write2sindhu.nandakumar@gmail.com
നീയെന്തേ….. എന്നിൽ നിന്നുമകന്നു???

നീയെന്തേ….. എന്നിൽ നിന്നുമകന്നു???

Spread the love

നിന്നെ സ്നേഹിച്ചതു
തെറ്റെങ്കിൽ
ശിക്ഷയായ് ഏറ്റിടാം
ഈ വിരഹവും ഞാൻ.

വേർപ്പാടിൻ തീച്ചുളയിൽ
ഉരുകി അലിയുമ്പോഴും
തുനിയില്ല ഇനിയൊരിക്കലും
നിന്നിലേക്കടുക്കുവാൻ.

എങ്കിലും ഇത്രമേൽ
സ്നേഹിച്ച നീ
എന്നിൽ നിന്നകലവേ,
ഒരു ചോദ്യത്തിനുത്തരം മാത്രം
പറയാതെ പോകരുതേ !

“ഒരു ജന്മത്തിൻ
സ്നേഹം മുഴുവനും
നിനക്കായ് മാത്രം
മാറ്റിവെച്ചിട്ടും…….

ഒരായുസ്സിൻ
സ്വപ്‌നങ്ങൾ മുഴുവനും
നിനക്കൊപ്പം മാത്രം
കണ്ടു തീർത്തിട്ടും …….

ഒരു നിഴലെന്ന പോൽ
നിൻ കാൽചുവടുകളെ
മാത്രം മതിമറന്നു
പിൻതുടർന്നിട്ടും …….

നീയെന്തേ
എന്നിൽ നിന്നുമകന്നു …….????


Spread the love
Close Menu